Gjatë inaugurimit të Spitalit Amerikan 3, kryeministri Edi Rama tha se shërbimi shëndetësor në Shqipëri ka marrë një kthesë të rëndësishme, një kthesë që ende është e paplotë.
Rama tha se do të kemi një rrugë të gjatë, të vështirë, por të drejtë që të bëjmë të mundur që në Shqipërinë që duam, shërbimi shëndetësor të jetë pasqyrë e respektit që çdo qytetar kërkon.
Kryeministri Edi Rama ka folur për një shërbim të unifikuar në shëndetësi. Ai tha se është e rëndësishme të ketë autonomi spitalore për të krijuar këtë sistem.
“Ta ndajmë ministrinë e Shëndetësisë nga gjithë infrastruktura spitalore duke i lënë vetëm shërbimin spitalor, autonomi në administrimin e fondeve të institucionit, duke bërë që shërbimi ynë spitalor të hyjë në epokë të re dhe ministria e Shëndetësisë të hyjë në një epokë të re. Të mos jetë më pika ku grumbullohen të gjitha kërkesat, mblidhen të gjitha paratë dhe bëhen prokurimet”, vijoi Rama.
