Ndërsa mijëra qytetarë protestojnë para zyrës së tij në godinën e kryeministrisë, kreu i qeverisë, Edi Rama, rikonfirmoi nga “Xibraku”, vendosmërinë e tij për t’i sjellë plehrat në Shqipëri. Në mbledhjen e Asamblesë Kombëtare të PS-së e cila po zhvillohet paralelisht me protestën e qytetarëve, Rama tha ndër të tjera: “Ligji i ri për mbjetjet riciklueshme është i domosdoshëm dhe tërësisht konformon ambicieve tona për një Shqipëri të pastër. Ajo që ne kemi bërë është ligji më i kufizuar në rajon deri në pikën të kufizosh importin e lëndës së parë me pasjen e një fabrike dhe kapacitetin e saj”.
