“Vizita e ambasadorëve ishte stacioni i parë i unazës tek dera, dhe këtu i ranë pragut të dëgjojë dera”
Partia Socialiste është gati të miratojë reformën në drejtësi, tha kryeministri Rama, pas mbledhjes së grupit parlamentar socialist ku ishin të pranishëm ambasdorët Lu e Vllahutin. Praninë e ambasadorëve të SHBA e BE-së në mbledhjen e grupeve parlamentare, Rama e sheh si alarm për opozitën dhe jo për mazhorancën. Kryeministri Rama tha se prania e tyre në fund të fundit, është si një angazhim të ambasadorëve që Shqipëria të mos humbë shansin për reformën në drejtësi.
Edi Rama: “Ne këtu jemi krejtësisht të hapur dhe tërësisht në mbështetje të saj. Të ishte për ne ajo do ishte e votuar. Ambasadorët erdhën këtu jo sepse kërkuan të marrin në dorë qeverisjen e Shqipërisë apo për të kërkuar kandidaturën e PS-së as për përçmim për ne, siç u ngutën të thonë zëdhënësit e politikës më të vjetër por sepse përfaqësojnë 29 shtete ato të Amerikës dhe BE-së, që janë të interesuar për këtë reformëë. sepse kjo është historike për Shqipërinë që nuk është vetëm në intersin e Shqipërisë. Vizita e ambasadorëve ishte stacioni i parë i unazës tek dera, dhe këtu i ranë pragut të dëgjojë dera.
Rama thotë se nuk mund të bëhet një kushtëzim mes reformës në drejtësi dhe asaj zgjedhore duke ftuar opozitën në diskutime dhe negociata për këtë të fundit.
