Kryeministri Edi Rama ka pritur sot në një ceremoni zyrtare, homologun e tij holandez, Mark Rutte.
Teksa gjithçka ka qenë e organizuar, në nder të kryeministrit holandez, është bërë një prije para Kryeministrisë, atje ku e priste edhe i zoti i shtëpisë, Rama.
Pasi u dëgjuan himnet kombëtare të dy shteteve, kryeministrat u drejtuan brenda Kryeministrisë, ku do të vijojë diskutimi pa kamera. Më pas pritet që të dy zyrtarët të zhvillojnë një konferencë të përbashkët për shtyp.
Agjenda e vizitës së kryeministrit të Holandës, Mark Rutte në Shqipëri:
11.20 – Ceremonia e mirëseardhjes pranë Kryeministrisë
11.30 – Takimi i homologëve Rama-Rutte
11.55 – Takim i delegacioneve Holandë-Shqipëri
12.30 – Konferencë për shtyp e kryeministrit Rama dhe kryeministrit të Holandës, Rutte 14.00 – Vizitë në ambientet e Piramidës, për projektin e rijetësimit në një qendër teknologjie.
