Kryeministri Rama harron nenin e Kushtetutës i cili shpjegon se “President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri”
“Kandidati për Presidentin e Ri mund të jetë nga diaspora”-shprehet kryeministri i vendit, Edi Rama.
Në një intervistë për gazetarin Enver Robelli në Dialogplus, Rama nuk përjashton asnjë mundësi për zgjedhjen e Presidentit të Ri, ndërsa ka lënë të kuptojmë se rrethi i kandidatëve mund të zgjerohet edhe jashtë kufijve të Shqipërisë.
Kjo gjë bie në kundërshtim me Kushtetutën e Shqipërisë. Në nenin 86, i cili shpjegon kriteret e përzgjedhjes së Presidentit të Republikës së Shqipërisë shkruhet se “President mund të zgjidhet vetëm shtetasi shqiptar që nga lindja, me qëndrim jo më pak se 10 vjetët e fundit në Shqipëri dhe që ka mbushur moshën 40 vjeç”.
