Kryeministri Edi Rama ka pranuar një prej kërkesave të opozitës duke shprehu publikisht për të pranuar numërimin elektronik për zgjedhjet e 18 qershorit.
Nga foltorja e sallës së Kuvendit, kreu i ekzekutivit deklaroi për herë të parë se numërimi elektronik mund të jetë i mundur të bëhet ndërsa shtoi se kjo nuk ishte aspak problem për qeverinë.
Rama theksoi se kjo metodë e numërimit të votave kompenson qind për qind hapja e kutive sido që të vijë puna.
Madje në funksion të këtij qëndrimi ai e riftoi Partinë Demokratike të ulej në tryezën e bisedimeve me mazhorancës për të diskutuar për standardet e zgjedhjeve të 18 qershorit.
“Nuk di asnjë mënyrë tjetër se si mund të përmirësohen standardet e zgjedhjeve, kur t’i nuk ulesh në tryezë për t’i përmirësuar”, – u shpreh Rama.
E megjithatë kryeministri nuk i kurseu as “thumbat” për PD-në, që sipas tij ka hyrë në çadrën e protestës për të bllokuar vettingun. “KE ka thënë copë, Këshilli i Europës po ashtu, “vettingu, asnjë gjë tjetër”. Dhe nuk kanë thënë mbarojeni, por filloni vettingun”, – tha Rama gjatë fjalës së tij në Parlament.
