Presidenti Meta i është përgjigjur pedagogut Mark Marku i cili deklaroi se Rama po përpiqet të kapë Gjykatën Kushtetuese si dhe t’i kufizojë kompetencat Presidentit.
Me anë të një statusi në Facebook, Meta shprehet se “Rama nuk po përpiqet t’i kufizojë kompetencat Presidentit pasi ky nuk është problemi i vërtetë. Rama po tenton sipas Metës të rrëmbejë Gjykatën Kushtetuese në mënyrë që të vrasë çdo mundësi për llogaridhënie apo ndryshime demokratike”.
STATUSI I ILIR METËS
I dashur Profesor Mark Marku!
Rama nuk po përpiqet t’i kufizojë kompetencat Presidentit. Ky s’është problemi i vërtetë. Rama po përpiqet në mënyrë anti-kushtetuese e mafioze të rrëmbejë Gjykatën Kushtetuese të Shqipërisë (pra vetë Kushtetutën) në mënyrë që të vrasë çdo mundësi për llogaridhënie dhe çdo mundësi për ndryshime demokratike!
Ndaj në 2 mars në Bulevardin “Dëshmorët e Kombit” jo për Presidentin, por për Shqipërinë! #PërKushtetutën #PërShqipërinë
