Kryeministri publikon një listë të gjatë me arritje, sipas tij, në sistemin e shëndetësisë të drejtuar nga ministri i sulumuar shpesh nga opozita dhe mediat
Si përgjigje për vezët e domatet mbi ministrin e Shëndetësisë, Edi Rama publikoi në facebook rezultatet sipas tij, te reformës në sistemin e shëndetësiësë. Pak minuta pas sulmeve të aktivistëve të “Aleanca Kuqezi”, ndaj ministrit Beqaj, kryeministri Rama ka publikuar një listë të gjatë me arritje të mëdha, sipas tij, në sistemin e shëndetësisë i udhëhequr nga ministri Ilir Beqaj.
Ja rezultatet sipas Ramës
Tarifat për disa ekzaminime, si Mamografia dhe Anti-HIV 1+2, bëhet ZERO për herë të parë.
Vizita tek mjeku specialist në poliklinikë, nga 1500 lekë ulet në 100 lekë;
Vizita tek mjeku specialist në spitalet universitare, nga 3000 lekë ulet në 500 lekë;
Vizita tek mjeku specialist në spitalet rajonale, nga 2000 lekë ulet në 100 lekë;
Vizita tek mjeku specialist në spitalet e rretheve, nga 1500 lekë ulet në 100 lekë.
Edhe çmimet për kryerjen e biopsive të të gjitha llojeve janë ulur nga 3000 lekë në 500 lekë, ose gjashtëfish.
Ndërsa, pjesa më e madhe tarifave të ekzaminimeve radiologjike dhe ato imunologjike janë ulur më shumë se pesëfish.
Tarifat për ekzaminimet endoskopike ulen më shumë se dyfish.
Tarifat për analizat laboratorike kliniko-biokimike ulen nga dy deri në shtatëfish.
Tarifat për analizat laboratorike mikrobiologjike ulen nga tre deri në tetëfish.
Tarifat për shërbimin e allergologji-pneumologjisë ulen nga pesë deri në tetëfish.
Tarifat për shërbimin e kardiologjisë ulen nga pesë deri në dhjetëfish, ndërsa ato të shërbimit ORL, ulen nga katër deri në pesëfish”, në mesazhin e tij si përgjigje për vezët e domatet e aktivistëve të kreshnik Spahiut, Rama thekson “ reformat duan vizion pune kohe dhe durim por rezultatet padiskutim qe vijne hap pas hapi!”. Megjithatë, ministri Ilir Beqaj është një ndër më të sulmuarit nga opozita dhe mediat, me akuza për korrupsion me tenderat e këtij digasteri.
