“Qeveria ka dy muaj që po trajton me seriozitet problemin e banorëve të Zharrzës dhe zgjidhja është në prag të finalizimit”, ka deklaruar kryeministri Edi Rama.
Rama i është përgjigjur një komentuesi në rrjetin social facebook, i cili i vuri në dukje protestën e banorëve të Zharrzës.
“Basha mund ti hap cadrat, kurse ketyre fukarejve i cuat policine e treguat forcen e shtetit ….. Turp Edi Rama”, shkruan qytetari.
“Me vjen shume keq qe paske bere 126 km ne kembe me ta, po kjo nuk te ben hero, sepse jo vetem e ke bere me deshire kete marshim te gjate, po edhe sepse mund t’ia kishe evituar vetes dhe atyre, nese do kishe marre informacionin qe ata moren ne takimin e me zv.kryeministrin; ku sic e degjuan edhe vete problemi ka dy muaj qe trajtohet me seriozitet maksimal nga qeveria dhe zgjidhjet e nevojshme jane ne prag te finalizimit! Keshtu qe cfare kuptimi ka hapja e cadres ne mjedisin publik prane ministrise, pasi eshte marre pergjigja nga qeveria lidhur me kerkesat e tyre?! Une nuk te njoh dhe nuk e di me cfare merresh e perse ke bere gjithe ate rrugetim, por ti sot duhet te jesh i gezuar qe qeverine e gjetet ne rrugen e zgjidhjes se problemit te tyre dhe do me vinte vertet keq, nese ajo qe ke pritur eshte qe qeveria te ishte e papergatitur(?)… Shkurt, me mire zgjidhja apo cadra per ata njerez?!“, përgjigjet Edi Rama.
