Kryeministri i vendit Edi Rama është shprehur se shprehur se me dekretin për anulimin e 30 qershorit Ilir Meta firmosi vetëvrasjen e tij politike.
Në një intervistë për gazetën italiane “La Stampa”, kreu i qeverisë tha se arsyeja pse nuk u shtyen zgjedhjet ishte për të mbrojtur demokracinë duke harruar se në listën e kanidadëve në shumicën e bashkive kishte vetëm një kandidat.
Sa i përket zgjedhjeve të parakohshme, Rama deklaroi prerë që nuk i pranon, pasi opozita nuk mund të marë peng qeverinë.
Rama ka komentuar gjithashtu veshjen e tij ditën e votimeve duke thënë që do të kthehet në tendencë, siç u kthyen atletet me kostum.
“Kemi një traditë të brishtë për institucionet pas 50 viteve diktaturë, që na kishte transformuar në Korenë e Veriut të Europës. Duke mos i shtyrë zgjedhjet mbrojta demokracinë. SHBA dhe BE e kuptuan.
Shqiptarët që shkuan të votojnë shpëtuan vendin. Ishte në rrezik shteti i së drejtës. Nuk ishin zgjedhje vetëm për kryetarët e bashkive, kishte një rrezik shumë të prekshëm për përleshje. Nuk pati të tilla, sepse nuk ishte populli që i donte ato.
Po zhvillohet një procedurë ‘impeachment’ për Illir Metën, do të shkarkohet nga Parlamenti për shkelje të rëndë antikushtetuese. Duke mbështetur bojkotimin e zgjedhjeve, dekretoi vetëvrasjen e tij politike duke shoqëruar drejt harakirit të gjithë opozitën.
Më kanë kritikuar pasi votova i veshur me një xhaketë elegante dhe pantallona të shkurtra me çorape. Kujtohuni që kam qenë i pari që kam veshur atlete me kostum. Sot jam në modë: bëj tendencë”– është shprehur Rama gjatë intervistës.
