Kryeministri Edi Rama ka gjetur ditën dhe vendin për t’u tallur me kreun e PD-së, Lulzim Basha. I shoqëruar nga ministrja e Mbrojtjes Olta Xhaçka Rama me gjithë xhupin e Bayern-it ka mbërritur te “Ura e Mifolit” në Vlorë, zona më problematike, ku lumi Vjosa ka dalë nga shtrati.
Gjatë një prononcimi për mediat Rama falenderoi kryetarin e PD-së, i cili dje në mbrëmje “shprehu mirëkuptimin për të ndërprerë diskutimet që ishin në rend të ditës lidhur me buxhetin dhe të na japë mundësinë ta mbyllim seancën”.
Pasi ia gjeti kohën të nxirrte kunjin me Bashën, kryeministri përsëriti thirrjen për të gjithë qytetarët në zonat e paralajmëruara si të prekshme nga prurjet e lumit Vjosë të jenë të vëmendshëm dhe t’u përgjigjen kërkesave për t’u evakuuar dhe për t’u spostuar.
