“Të mos shfrytëzohen qëndrimet e mija për çështjen çame për armiqësi me Greqinë… Mes një shqiptari të mirë dhe një greku problematik unë sigurisht zgjedh një shqiptar të mirë”
Kryeministri Edi Rama ka folur edhe një herë për raportet e tij me palën greke pasi ai ka kërkuar zgjidhjen e Çështjes së Çamërisë, si çështje e të drejtave të njeriut. Në një konferencë për minoritetin organizuar në Sarandë, Rama ka tërhequr vëmendjen për keqpërdorimin e qëndrimeve të tij në mbështetje të zgjidhjes së Çështjes së Çamërisë. “Nuk jam grek as antigrek, por jam shqiptar”, ka thënë Rama duke sqaruar ata që kërkojnë t’i përdorin deklarata e tij për të acaruar marrëdhëniet me Greqinë. Me sa duket e ka fjalën më së shumti për kryetarin e PBDNJ-së Vangjel Dule.
“I përdorin qëndrimet e mia për Çështjen Çame, për armiqësi me grekët. Nuk jam grek, por as antigrek, por jam shqiptar. Të jeni të sigurt se mes një shqiptari problematik e një greku të paqshëm zgjedh grekun e paqshëm, por nëse është fjala për shqiptarë të mirë unë zgjedh shqiptarin e mirë, sepse s’kam pse zgjedh grekun problematik. Nuk ka asnjë arsye të nxisim agjë përveç bashkëpunimit. Minoriteti është shumë më i afërt se vete Greqia, sepse jeni qytetarë të këtij vedni dhe dem babadem këni qënë këtu. Qëndrimi ynë për minoritetin nuk është se vjen nga bujaria për fëmijët tuaj, por nga detyrimi ndaj fëmijëve tanë si dhe qytetarëve shqiptarë sit ë qytetarëve me kombësi greke. Të ecim së bashku për të bërë punët e mira që për 25 vjet u harruan”, tha Rama.
