Kryeministri Edi Rama duke iu uruar Ditën e Pelegrinëve besimtarët bektashinj, ka dhënë një mesazh të fortë për të gjithë ata që po shfrytëzojnë guroret në Malin e Tomorrit.
Rama publikon një video nga mali, ku shkruan në “Facebook” se ai është kthyer në sheshbetejë mes interesit kombëtar të mbrojtjes nga shfrytëzimi dhe gjykatësve të korruptuar, që iu japin të drejtë shfrytëzuesve për interesa të pista.
“MIRËMËNGJES ? dhe këtë Ditë të Pelegrinëve, me këto pamje magjike nga Mali i Tomorrit, që është kthyer në sheshbetejën mes interesit kombëtar të mbrojtjes së tij nga shfrytëzimi i guroreve dhe gjykatësve të korruptuar, të cilët u japin të drejtë shfrytëzuesve për interesa të pista, i bindur që Mali i Mrekullueshëm do t’i zmbrapsë barbarët e pangopur, ju uroj një ditë të mbarë?”, shkruan Rama.
