Kandidati i së majtës për Bashkinë e Dibrës, Dr. Muharem Rama vijoi takimet elektorale në njësinë administrative të Tominit.
Gjatë takimeve në Tomin, Rama premtoi se do të investohet për zgjidhjen e problemit të mbetjeve dhe përpunimit të tyre ashtu sikurse për krijimin e një ujëmbledhësi për ujë të pijshëm. Kandidati i mazhorancës premtoi asfaltim të rrugëve kryesore që lidhin fshatrat me qytetin ashtu sikurse sistemimin e rrjetit të kanaleve të ujërave të zeza dhe ngritjen e mirëmbajtjen e kanaleve të vaditjes.
Rama u angazhua për mbështetje me subvencione për bujqësinë e blegtorinë ashtu sikurse për krijimin e pikave për grumbullimin e produkteve bujqësore.
“Do të fillojmë me sistemimin e kanalizimeve, me sistemimin e kanalit Llixha-Tomin-Brezhdan. Sigurisht do të rikonstruktojmë edhe gjithë rrjetin e brendshëm vaditës. Do të lidhim ujësjellësin e kalasë me fshatrat Tomin, Pilaf, Rashnapoi, Dohoshisht. Ndërkaq, Brezhdanin, Ushtelenzën dhe Çetushin do ta lidhim me Sopranikën. Zona juaj është një zonë blegtorale dhe bujqësore ndaj do të shtojmë subvencione në mënyrë që të rrisim të ardhurta tuaja e të zhvillojmë këtë sektor”, u shpreh kandidati Rama.
