Ka nisur mbledhja e përbashkët e dy qeverive të Kosovës dhe Shqipërisë në Pallatin e Kongreseve.
Kryeministri Edi Rama ka marrë fjalën e tij në këtë mbledhje të gjashtë të dy qeverive, theksoi se ambicia është heqja e kufirit me Kosovën në funksion të zbatimit të katër lirive të BE në rajonin.
Rama tha se në javët e ardhshme do të nënshkruajnë marrëveshje me qeverinë e Kosovës për portin e Durrësit. Sipas Ramës porti i Durrësit do të kthehet në një port de fakto edhe për Kosovën.
“Takimet mes Shqipërisë dhe Kosovës zhvilluar në një frymë ndërveprimi janë janë mundësi shumë e mirë qoftë për të bërë një bilanc të hapa të hedhur por edhe për hapat e mëtejshëm. Deklarata e përbashkët e nënshtruar në janar 2014 mbetet një udhërrëfyes i çmuar për integrimin sa më të ngushtë. Hapat e hedhur nuk janë të vegjël megjithëse distanca deri në përmbushjen e vizionit tonë mbetet e madhe. Nëse i referohemi mbledhjes së fundit se pothuajse të gjitha dokument e nënshkruar janë në proces zbatimi. Ambicia jonë është heqja e kufirit në funksion të zbatimit të katër lirive të BE në rajonin tonë duke filluar nga më thjeshta dhe më kuptimplota heqja e kufirit mes Shqipërisë dhe Kosovës. Ministrit e Brendshme të intensifikojnë punën për të mundësuar databazën e përbashkët, pa humbur asnjë centimetë kundër aktiviteteve të paligjshmme. Dua ta vlerësoj angazhimin e dy qeverive për doganën e portit të Durrësit, ku ka filluar. Marrëveshja ë do të firmosin në javët e ardhme për lehtësirat në hyrje daljen e mallrave. Shndërrimin e portit të Durrësit në një port de fakto edhe të Kosovës. Ky është një hap i rëndësishëm drejt realizimit të objektivit. Ambicia jonë nuk duhet të ndalet vetëm në një stacion. Faktikisht me këtë marrëveshje ne do të mundësojmë kryerjen e kontrolleve të përbashkëta. Njohjen e garancive në të gjitha pikat doganore dhe më tej”, deklaroi Rama.
