Një tjetër mesazh i kryeminisytrit Rama për deputetin Ben Blushi, i cili prej ditësh po publikon një seri akuzash për ndaj tij. Gjatë fjalës së tij në takim me socialistët e Durrësit, Rama u shpreh se kundërshtarët e PS-së janë ata politikanë që përfitojnë nga sëmundja e vendit dhe se ata nuk vijnë vetëm nga radhët e qeverisë së vjetër, duke nënkuptuar edhe zërat kritikë brenda PS-së.
“Ne kemi kundërshatë ata që u mësuan të përfitojnë nga sëmundja e vendit dhe ata nuk janë vetëm nga qeveria e vjetër, por edhe ata që kanë përfituar duke bërë flirt me abuzimin. Sigurisht që kemi ende shumë për të bërë, por po ndërtojmë një shtet që t’u shërbejë shqiptarëve. Korrupsioni nuk mund të na hapë rrugën kaq lehtë, sepse ai është mundësia e paligjshme për të marrë duke paguar atë që shteti nuk ta jep se nuk të takon, ndaj për të mundur korrupsionin duhet të bëjmë shtetin që të jep atë që të takon dhe për ta bërë këtë shtet duhen reforma. E sigurtë është që nuk duan kurrë që të kthehen tek qeverisja e vjetër dhe opozita këtë nuk e kupton” ka deklruar kryeministri.
Sa i përket rendit dhe sigurisë në vend, ku mazhoranca ka marrë kritika të panumrëta nga selia blu, kreu i qeverisë u shpreh: “ E ku nuk ndodhin krime? Në sheshin më të madh të një qytei më të madh në Europë, në Gjermani, 60 vajza u dhunuan brenda një nate. Është shumë e lehtë dua të them, por edhe më e turpshme dhe mendjelehtë që pas çdo krimi që ndodh të çohesh dhe të balotësh Policinë e Shtetit’ tha kreu i ekzekutivit.
