Për kryeministrin Edi Rama, mosliberalizimi i vizave me Kosovën është një trup i Bashkimit Evropian.
“Mos liberalizimi i vizave për Kosovën është një turp për BE, një turp i pa shkëlqyeshëm dhe i pajustifikuar përsa kohë liberalizimi i merituar mbetet në fuqi. Jo për arsye se Kosova nuk ka bërë detyrat, por sepse Kosova është marr peng nga dinamikat e brendshme të BE. Kosova duhet të presë si mbarojnë një palë zgjedhje në një vend dhe pastaj kur ka zgjedhje në një vend”, u shpreh kryeministri.
Ndryshe nga Rama, homologu i tij i Kosovës u tregua më i butë më qëndrimin e tij duke u shprehur se pavarësisht se Kosovës nuk i janë liberalizuar vizat, “nuk duhet ta shajmë shumë BE”. Sipas tij Kosova duhet të mbajë të plotësuara të 95 kriteret që janë plotësuar në 2018.
“Mbetemi vendi i vetëm në rajon pa liberalizimi vizash, po mundohemi që gjatë kërkesës tonë që të kemi sa më shpejt liberalizimin e vizave. Të mos e shajmë shumë BE, por të tregojmë vendosmërinë tonë për të mbajtur të plotësuara të 95 kriteret që kemi plotësuar në 2018. Gjatë këtyre tre muajve kemi pasur mjaft sfidë me diplomacinë për të rivendosur si duhen marrëdhëniet me partnerët strategjik, BE vendet kyçe të BE dhe me SHBA, marrëdhëniet që ishin lënduar kohët e fundit. Na është dashur të marrim vendim të nevojshme për të dhënë sinjale se si qeveri duhet të shihemi si vend stabilizues në rajon”, tha Hoti.
