Kryeministri Edi Rama ka mohuar të ketë dijeni për vizitën e kreut të PSD Tom Doshit në Kryeministri, pak para mbledhjes së qeverisë. Para gazetarëve Rama mohoi të kishte dijeni për hyrjet dhe daljet në godinë.
“Nuk kam asnjë dijeni për këtë, se kush hyn dhe kush del në këtë godinë nuk është fare detyra ime. Unë hyj nga diku dhe kam pjesën time të punës. Është detyra juaj të përgjoni kush hyn e kush del”, tha Rama.
Kujtojmë që Doshi u pa duke hyrë në Kryeministri gjatë ditës së sotme gjatë kohës që aty ndodhej edhe Rama. Ndonëse ky i fundit e mohoi vizitën, në media u aludua për një takim mes të dyve ne një kohë kur zgjedhjet lokale janë vetëm disa muaj larg dhe ish deputeti ka një ndikim të fuqishëm në qarkun verior.
Megjithëse pikëpyetja më e madhe që lind nëse takimi ka ndodhur, është se përse duket të takohet kryeministri ynë me një njeri të shpallur nongrata për korrupsion nga SHBA?
