Kryeministri Edi Rama ka mbërritur paraditen e sotme në protestën e banorëve të 5 Majit, që po zhvillohet para ambjenteve të Kuvendit, atje ku pritet të nisë edhe seanca plenare, ndërsa protestojnë për shembjen e banesave të tyre.
Kujtojmë se kjo nuk është hera e parë kur banorët protestojnë, pasi shprehen kundër shembjes së pronave të tyre. Ata kërkojnë që një përfaqësi e tyre të hyjë në parlament dhe të parashtrojë kërkesat e tyre. brenda këtij muaji do të shemben 12 objekte, duke e çuar në 27 numrin e banesave që shemben në këtë fazë. Aktualisht në protestë janë dhe forca të shumta policie.
“Përveç teje kush do të vijë me mua, nuk vijnë dot 100 veta, do të vini 3 veta, përveç nënes kush do të vijë me mua, zotëria të shkojë dhe të bëjë propagandë në televizor”, tha Rama.
Gjatë rrugës që ai po bën në shoqërinë e tre protestuesve po dëgjon dhe kërkesat e tyre, të cilët kërkojnë mbrojtjen e tij se çfarë do të ndodhë me banesat e tyre.
Qytetarët i kanë kërkuar kryeministrit që të merren parasysh kërkesat që ato kanë për banesat e tyre.
Rama: Banesa është me leje?
Qytetarja: Nuk e di, por ne i kemi mbyll proceduarat dhe e kemi me leje
Rama: Hajde se e sqarojmë.
Banorët janë shprehur të irrituar në lidhje me përzgjedhjen që ka bërë kryeministri, pasi sipas tyre ato nuk i përfaqësojnë pasi të tre lagjet tashmë kanë përfaqësuesit e tyre dhe janë ato që duhet që të ishin në këtë takim.
