Kryeministri Edi Rama ka deklaruar se prioritet kyç i mandatit të dytë të qeverisë do të jetë siguria ushqimore.
Me anë të një postimi në facebook, Rama ka postuar një video ku shihet në një fabrikë të përpunimit të mishit.
“Siguria Ushqimore prioritet kyç i mandatit të ri. Fund thertoreve të paligjshme. Standarde europiane, çertifikim i mishit që del në treg, rritje e punësimit dhe hapje e eksportit të mishit. Shqipëria ka 27 vjet që jeton shumë nën mundësitë e saj në këtë sektor të mbytur në informalitet e pasiguri dhe prandaj nuk ka marrë dot lejen për të eksportuar prodhimet e saj të mishit. Kjo trashëgimi do të marrë fund dhe sektori do të zhvillohet e do të ndihmojë zhvillimin e vendit”, shkruan Rama në facebook.
