Kryeministri Edi Rama deklaroi se suksesi në reformën e ujit do të jetë vendimtar për kryebashkiakët e PS nëse do të rikandidohet për një tjetër mandat në zgjedhjet lokale.
Në asamblenë e PS, Rama tha se rezultatet e reformës do të jenë kriteri i parë për rikonfirmimin e kryebashkiakëve për në mandat tjetër
“Për Reformën e Ujit u bëj thirrje kryebashkiakëve që kush do të bëjë politikë personale për zgjedhjet, nuk do të jetë kandidat i PS për zgjedhjet e ardhshme. Dhe një nga kriteret themelore do të jetë suksesi në reformën e ujit i kryetarëve të bashkive.
Lojë të vjetër me dy porta, që nga një anë qeveria kërkon të vendosë ligjshmëri dhe nga ana tjetër bashkia shkel syrin për ujin për vota nuk do të pranojmë. Rezultatet e reformës do të jenë kriteri i parë për rikonfirmimin e kryebashkiakëve për në mandat tjetër”, tha Rama.
