KOKA BËN KOKA PËSON dhe nuk thotë kot populli, TAHMAJA E MADHE TË LË PA GJË. Vazhdoni bosa vazhdoni, luani si miu me macen me shtetin e me konsumatorin, se do ta paguani me qimet e kokës këtë lojë
Këshu e nis ditën kryeministri Edi Rama, duke ju referuar bizneseve të mëdha, me në fokus ata që operojnë në fushën e turizmit.
Njësoj si pesë vite më parë kur ky aksion nisi me të madhe nga ana e qeverisë, kryeministri kërcënon bizneset se do të mbeten me gisht në gojë, nëse do të fusin xhepat në duart e qytetarëve.
“KOKA BEN KOKA PESON dhe nuk thotë kot populli, TAHMAJA E MADHE TE LE PA GJE. Vazhdoni bosa vazhdoni, luani si miu me macen me shtetin e me konsumatorin, se do ta paguani me qimet e kokës këtë lojë;
kush më shpejt e kush më vonë, o do futet në Rreshtin e Ligjit dhe s’do prekë lekët e popullit që ka brenda kuponi për çerdhe, kopshte, shkolla, ambulanca, spitale, O DO MBETET ME GISHT NE GOJE.
ZeroTolerancë për këdo që fut duart në xhepat e njerëzve sa majtas e sa djathtas dhe prek arkën e shtetit”, shkruan Rama në Facebook dhe poston disa foto nga bizneset e mbyllura.
