Kryeministri Edi Rama ka deklaruar se kjo shumicë qeverisëse ështe aleati kryesor i njerëzve dhe çdo aleancë tjetër është një kthim prapa. Gjatë fjalës së tij në Kuvend, Rama tha se vetting-u është proces kyç për zhvillimin ekonomik të vendit.
“Fillimi i vetting-ut është çelja e një kapitulli të ri në ekonomi. Rritja ekonomike që ne kemi siguruar përmes reformave transformuese është e pamjaftueshme, pa asnjë diskutim. Kush ka sot pakënqësi apo edhe inat për situatën në të cilët ndodhet, të vetmin aleat që ka, ka këtë shumicë qeverisëse, sepse pa asnjë diskutim edhe ne jemi të pakënaqur, edhe ne jemi të revoltuar në përpjekjen tonë për t’i hapur rrugë vettingut dhe për të bërë të mundur pastrimin e pallatit të drejtësisë dhe pastrimin e rrugës nga një pengesë e madhe që është një nga arsyet se Shqipëria nuk ka bërë dot aq sa është dashur të bëjë edhe pse Shqipëria mund të bëjë shumë më tepër me potencialet e veta. Nuk ka aleancë tjetër që siguron reformat, çdo aleancë tjetër është kthim prapa. Nëse sot njerëzit paguajnë“, tha Rama në fjalimin e tij në Kuvend.
