Pas rënies së tërmetit katastrofal 6.4 ballë, kryeministri Rama konfirmon se janë mundur të shpëtohen 28 persona, të cilët ishin bllokuar poshtë rrënojave të banesave.
Kreu i qeverisë nuk harron 9 viktimat e tërmetit duke u shprehur sërish ngushëllime familjarëve të të ndjerëve.
Durrësi dhe Thumana janë dy zonat më të prekura nga tërmeti i sotshëm, ku janë shkaktuar dëme të konsiderueshme materiale dhe njerëzore.
“Por lehtësimi për çdo jetë të shpëtuar s’e bën më të vogël dhimbjen për jetët e humbura dhe keqardhjen e jashtëzakonshme për familjet që lotojnë të humburit. Edhe pse fjalët i merr era në këto raste,u përcjell ngushëllimet më vëllazërore familjeve që tani qajnë njerëzit e tyre. Sapo ka mbërritur në 28 numri i të shpëtuarve. Do të vijojnë kërkimet që do të kryhen me durim e imtësi deri në fund, ndërkohë që pas pak orësh do fillojnë të na bashkohen njëra pas tjetrës skuadrat speciale nga Kosova, Italia, Greqia, Franca, Turqia, Serbia, Mali i Zi’’, shkruan Rama.
