Kryeministri Edi Rama ka dhënë një intervistë nga Nju Jorku për televizionin francez “TV5MONDE”, ku është shprehur se Shqipëria, si anëtare e Këshillit të Sigurisë në OKB, i ka idetë e qarta.
“Për ne është një ngjarje historike që jemi pjesë e Këshillit të Sigurisë së OKB. Jemi një vend i vogël, por kemi ide të qarta dhe do të bëjmë çdo gjë që nevojitet për të çuar përpara objektivat e OKB. Për një botë më të mbrojtur ndaj ndryshimeve klimatike, për një botë më solidare dhe më të bashkuar kundër terrorizmit. Ne jemi aleatë krenarë të SHBA dhe të Francës.
Nuk ua hapëm derën afganëve me kërkesë të SHBA, të qeverisë së SHBA, e hapëm derën sapo na kontaktuan disa organizata humanitare dhe të drejtave të njeriut dhe thamë “Po”, sepse ne jemi një vend mikpritës”, tha Rama.
