Kryeministri Rama inspektoi projektet që po realizohen në veri të vendit, në zonën e Tamarës.
Aktualisht po punohet për vendosjen e sistemit të ndriçimit, i cili do të jetë në tokë dhe nën strehën e çative, si dhe përgjatë shëtitores. Investimi prej 56 milionë lekë gërsheton peisazhin natyror me karakteristikat alpine të zonës.
“Në një total të projektit rreth 70 kilometra dhe faktikisht, nga 3 orë e gjysmë deri në 4 orë që duhej të shkoje nga qendra e Bashkisë së re të Malësisë së Madhe në Koplik deri në Vermosh, rruga tani bëhet pak a shumë 90 minuta. Kjo na jep një dorë të madhe për të vazhduar me projektin e zhvillimit të turizmit këtu, që, siç e kemi parë nga ndërhyrjet e bëra deri tani gjatë segmentit që përfunduam dhe ndërhyrja e bërë në Tamarë, impaktin e ka të menjëhershëm me një rritje disafish të fluksit”, deklaroi Rama.
