Kryeministri Edi Rama ditën e sotme ka inspektuar projektin e rindërtimit në Bubq, në zonën ku tërmeti i 26 nëntorit shkaktoi dëme të mëdha.
I shoqëruar nga Arben Ahmetaj, ministrja e kulturës Elva Margariti, gjatë përfundimit të vizitës në Bubq, kryeministri është ndalur nga një e moshuar e cila ka ndalur ndërsa Rama ishte në ikje.
Me sa duket e moshuara i është drejtuar kryeministrit për pronën e saj, nëse do e ketë përsëri apo jo.
Biseda:
Rama-Mos u ngjisni, mos u ngjisni me njëri –tjetrin…
E moshuara-Pash të madhin zot, jam duke thënë… (ndërprerë biseda)
Rama-Do të të jepet ty, e njëjta hapësirë që ke 100% brenda planit. Po ta them edhe njëherë 100%, metër për metër do marrësh atë që ke, dhe do ta marrësh brenda planit sipas ndërtimit të ri.
Në fund kryeministri u drejtohet banorëve të Bubqit me fjalët: “Do e bëjmë sic ju kemi thënë. Në fund të qershorit do fillojnë punimet, do i ndërtojmë të gjitha shtëpitë. Do fillojnë punimet në të gjitha zonat kështuqë edhe pak durim”.
