Kryeministri Edi Rama ka përsëritur edhe njëherë dorën e shtrirë për opozitën, ndërsa ju tha këtyre të fundit se janë gati të dialogojnë.
Nga foltorja e Kuvendit teksa po prezanton programin, Rama tha se është njohur me disa nga synimet e tyre, ndërsa theksoi se me kërcënime dhe urdhra nuk kanë për të arritur asgjë. Gjithashtu, Rama shtoi se nuk pranon ndërmjetësues të tuaj për të zgjidhur çështje të caktuara.
“Nuk jemi të detyruar të merremi vesh për gjithçka, por cilësua e jetës nuk varet nga sa shpesh bie dakord qeveria me opozitën. Tjetër të polemizosh, tjetër të shash pa kursyer as muskuj, tjetër të votosh kundër dhe tjetër të hedhësh të grisur fletë e votimit. Ne nuk mund të mos përpiqemi të sillemi këtu si njerëz, si prindër q kjo sallë të mos zhytet në vulgaritet. Të gjithë kush më shumë e më pak nuk kemi shkëlqyer në sytë e qytetarwve tanë. Shumë skena dhe fjalë ka arkivi 30 vjeçar i këtij Kuvendi. Shumë sherr mes nesh për të mos dalë asgjëkundi. Shumë kohë dhe mundësi të humbura. Dhe kur dalim që këtu pasi lëmë nam gjithmonë fajin se kemi ne por ata pala tjetër si kalamajtë që luajnë e ka kush e ka në oborr.
Nuk dua të drejtoj gishtin te pala tjetër por dua të mbaj vetëm pjesën e fajit tim që me siguri duhet të jetë më shumë se unë dhe ne. Dora jonë është e shtrirë, kjo nuk është fjalë për të kaluar radhën. Të jemi të qartë ne nuk duam asnjë lëshim nga ju por jemi gati të dialogojmë me ju për çdo lëshim që ju doni. I kemi dëgjuar në distance disa synime tuaja jemi gati të dialogojmë. Me urdhra dhe kërcënime me ne nuk keni arritur dhe s’do të arrini asgjë, ndërsa me komunikim duke folur dhe dëgjuar ne mund të merremi vesh për shumëçka. Nuk do të pranojmë asnjë lloj ndërmjetësuesi të huaj,” tha Rama.
