Kreu i PD, Sali Berisha ka akuzuar kryeministri Edi Rama se po sillet ndaj qytetarëve egër dhe shpërfillës duke e konsideruar të dytin pas Enver Hoxhës.
Ai e quajti kreun e qeverisë “një hajdut që vjedh ditë e natë dhe që pasurinë e lumturinë e tij po e ndërton mbi fatkeqësinë e shqiptarëve”. Ndërsa theksoi se “pasuritë kombëtare na janë kthyer në mallkim dhe po na dënojnë”.
“Ky moment që jemi sot, është pashembullt në 30 vite. Ua them si demokrat. Kjo sepse kemi një njeri që në mënyrë absolute nuk është as demokrat, as socialist, por që me ekipin e tij sillet ndaj qytetarëve, nëse heqim burgjet dhe kampet e përqëndrimit, më egër dhe shpërfillës në historinë e këtij vendi. Pas Enver Hoxhës është i dyti, është hajdut që vjedh ditë e natë, pasurinë e tij e ndërton mbi fatkeqësinë e shqiptarëve, largimin e tyre. Kjo e bën detyrën tonë një mision të madh për të shpëtuar nga ky regjim. Ai s’ka asgjë të përbashkët me një socialist. Kalohet nga vjedhja në vjedhje. Firmos 6 mln euro satelitin sepse unë 14 katet e kullës pa leje nuk i shoh sepse më pengon kushëriri, por mi tregon sateliti. I merr shqiptarët për njerëz të paditur, por ata janë shumë më inteligjentë, patriotë të ndershëm dhe bëjnë gjithçka për të ndërtuar ëndrrën e tyre në Shqipëri. Nëse s’do ishte i tillë ju garantoj se sot me të ardhurat e 9 viteve, 400 miliard lekë, me borxhin që ka marrë 500 miliardë lekë, pensionet dhe ndihmat ekonomike do ishin 3 herë më të larta. Ku janë? Janë vjedhur e shpërdoruar masivisisht. Një kilometër rrugë autostradë nga Levan në Vlorë, e para 1 mln euro, sot kusht 24 mln euro. Ndërtimi ka manual e cila përllogarit çdo shpenzim, çmim e material. Nuk mbetet gjë për qytetarët, largimi i kësaj qeverie lëshon potencialet e mëdha në shërbim të qytetarëve. Pasuria tona kombëtare janë shndërruar në mallkim për ne. Një pasuri që e kemi të bollshme, energjia, na mallkon dhe dënon”, tha Berisha.
