Kryeministri Edi Rama ka paralajmëruar se në seancën e së enjtes do t’i përgjigjet Greqisë. Në rrjetin social Facebook, ai tha se me vendin fqinj duam që të kemi marrëdhënie të shkëlqyera dhe për t’i pasur të tilla, kryeministri thotë se duhet të jemi të barabartë.
Rama: Nesër në kuvend do ta marrin përgjigjen time për sa kanë thënë këto ditë, fqinjët tanë të vjetër e të dashur, me të cilët duhet dhe duam të kemi marrëdhënie të shkëlqyera! E që t’i kemi të tilla, na duhet patjetër të jemi të hapur, të vërtetë e të barabartë me njeri – tjetrin! Sepse koha e fqinjit të pasur që i tregonte arat fqinjit të varfër ka marrë fund mes nesh.
