Në përfundim të seancës parlamentare ku u vendos që Saimir Tahiri nuk do të arrestohet Rama ka pasur një reagim të ashpër ndaj gazetarëve.
Rama iu drejtua gazetarëve duke iu thënë se duhet të kenë turp pasi nuk e kanë kuptuar se për çfarë bëhet fjalë, pasi nuk bëhet fjalë për të mbrojtur një deputet, por drejtësinë.
“Së pari turp për të gjithë ju dhe ata si ju nuk keni kuptuar se për cfarë bëhet fjalë dhe vazhdoni tororisni miletin. Nuk kemi kuptuar që jemi në kushte thjesht të qarta për këdo që merr mundimin të lexojë 5 reshta se për cfarë bëhet fjalë. Akoma nuk keni marrë vesh që imuniteti i deputetit ka rënë prej kohësh. Nuk jemi këtu për të diskutuar për t’ia hequr apo jo imunitetin.
Ju nuk keni marrë vesh akoma dhe mund të qeshni sa të doni, por jeni pjesë e këtij problemi të madh, jo në rastin konkret. Akuzat i përçconi si një tel bakri, që nuk ka as përgjegjësinë për atë që përçon. Sot jemi këtu jo për të mbrojtur një deputet, por për të mbrojtur drejtësinë. Cili prej jush do të pranonte që pronari do ta conte në burg se mund të ketë vjedhur ndonjë mikrofon” , ka deklaruar kreu i qeverisë.
