Kryeministri Edi Rama ka folur sërish për rastin e Mirditës, ku tha se tha se ata prindër sot rrezikojnë seriozisht, ndërsa djali ende nuk ka simptoma.
Teksa ka komunikuar me qytetarët pasditen e sotme, sipas Ramës, roja që nuk duhet të lëshojë istikamin është vetja jonë. Ky rast sipas Ramës tregon edhe një herë çfarë përgjegjësie të madhe kemi secili nga ne, në këtë kohë, sidomos ndaj atyre që janë më të rrezikuarit.
“Dua të vë në pah duke filluar nga një fakt që duhet t’u shërbejë të gjithëve si një mësim. Një fakt aspak pozitiv i konstatuar nga hetimet që tregon se çfarë përgjegjësie të madhe ka gjithsecili prej nesh ndaj shëndetit të të afërmve dhe që tregon se sado ndëshkime e rregulla të ketë në fund të ditës gjithçka varet nga sjellja e secilit prej nesh. Në një luftë ku nuk është kush ia hedh shtetit por kur secili respekton rregullat që të mos i fusë të afërmve, familjes bombat në trup. Një djalë që nuk duhet të lëvizte nga qyteti në qytet pa simptoma, niset në një zonë tjetër të vendit se e kishte marrë malli për prindërit dhe dy prindër të moshuar me bprobleme shëndetësore për shkak të moshës por jo vetëm preken nga ky virus dhe rrezikohen seriozisht. Ai djalë akoma s’ka simptoma. Do të thotë që roja që nuk dueht të lëshojë istikamin është vetja jonë. Dëgjoj shumë, ju ndjek shumë të gjithëve edhe ju përgjigjem edhe ndonjëherë edhe me ndonjë shpullë për t’ju sjellë në vete”, deklaroi Rama.
https://www.facebook.com/edirama.al/videos/672188443558090
