Ish-zv/kryeministri Arben Ahmetaj është propozuar nga socialistët për postin e anëtarit të Komisionit për Integrimin Europian. Lajmin e dha kryeparlamentarja Lindita Nikolla gjatë seancës së sotme parlamentare.
“Kreu i grupit të PS ka kërkuar caktimin e zotit Arben Ahmetaj si anëtar i Komisionit për Integrimin Europian”, u shpreh Nikolla.
Kujtojmë se Ahmetaj u shkarkua disa ditë më parë nga posti i zv.kryeministrit pas akuzave të vazhdueshme nga opozita si i përfshirë në skemën e inceneratorëve.
