Kryeministri Edi Rama ka deklaruar se policia ndeshet me shfaqje të papranueshme dhe furi të papranueshme balte, akuzash, përpjekje të cilat synojnë demotivimin.
Në takimin me drejtues të policisë së shtetit në ministrinë e Brendëshme, Rama shtoi se u bënë plot 4 vite, që policia e shtetit është institucioni më i sulmuar në vend.
“Kur furtuna në kazanin e politikës dhe media ngrihet mbi koka të punonjësve të policisë, unë ju ka thirrur në këtë takim. Shosh këtu fytyra të njohura nga takimet e mëparshme, shoh edhe fytyra të reja. Besoj që sot është dita e duhur, marrë parasysh edhe pasqyrat e rezultateve të 9-mujorit për të ngritur disa çështje në vëmendje tuaj dhe të publikut. Jam ndjerë vërtet mirë nga rezultatet e deritanishme të kësaj periudhe të vitit, por ndjehem edhe keq kur shoh dhe kuptoj që përtej rezultateve kemi të bëjmë me një situatë në të cilën policia e shtetit së brendshmi ndeshet me shfaqje të papranueshme, dhe së jashtmi ndeshet me një furi balte, akuzash, përpjekjesh të cilat synojnë, jo vetëm ato që thuhen publikisht dhe që janë politike, por edhe demotivimin e policisë së shtetit.
Politika me krimin, është mbështetje për krimin. Sot krimi gjen mbështetje pikërisht tek politika me krimin. Nuk është një gjë e re, por një nga ato momente kulmore të politikës me krimin, dhe shfrytëzimit të krimit për të bërë politikë, pa marrë parasysh pasojat që kjo politikë ka në radhë të parë në psikologjinë e uniformave blu dhe tek njerëzit e zakonshëm për presin shërbim dhe siguri. U bënë plot 4 vite, që policia e shtetit është institucioni më i sulmuar në vend”, tha kryeministri Rama.
https://www.facebook.com/edirama.al/videos/10155245502016523/
