Kryeministri Rama duket se e ka ndarë mendjen që të liberalizojë kanabisin në vendin tonë. Pak ditë më parë u publikua formulari me 12 pyetje që do t’i jepet çdo qytetari në kuadër të nismës “Këshillimi Kombëtar. Në një nga pyetjet kërkohej mendim për legalizimin e kanabisit.
Ndërkohë Rama e ka veçuar këtë pyetje nga të tjerat duke e ripostuar edhe njëherë në rrjetin e social Facebook, ku iu kërkon qytetarëve të shprehin mendimin nëse janë dakord që të lejohet kultivimi i kanabisit.
“KËSHILLIMI KOMBËTAR/ PYETJA 6Për të ecur më shpejt e për t’u ngjitur lart, kemi nevojë të lëmë pas krahëve llogoret përçarëse të partive dhe të dëgjojmë më shumë njëri-tjetrin! Ju ftoj të gjithëve të jepni opinionin tuaj në këtë proces popullor që zhvillohet për herë të parë dhe është i hapur për çdo shqiptar, kudo qoftë jeton e banon, pavarësisht bindjeve e simpative politike, duke klikuar si vijon https://keshillimikombetar.al/#LeTëDëgjojmëNjëriTjetrin”, shkruan Rama.
Pyetja konkrete është; Ka njerëz që thonë se Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye përdorimi vetjak. Të tjerë thonë që kanabisi nuk duhet të lejohet as për qëllime mjekësore. Si mendoni ju?
