Në mbledhjen e dytë të Komitetit Kombëtar të Rindërtimit, Kryeministri Rama u shpreh se qeveria ka përllogaritur një shumë prej 20 miliardë lekësh për dëmet nga tërmeti i 26 nëntorit.
Kryeministri u shpreh se pret që donacionet të shtohen pasi sipas tij kanë nisur diskutimet në nivel bilateral dhe me vende të tjera.
Më tej, Kryeministri Rama u shpreh se më 16 dhjetor do të dalë një raport paraprak për dëmet.
“Ne kemi konsideruar 20 miliardë, me të ardhura buxhetore dhe donacionet. Por pritshmëritë për donacione janë të konsiderushme dhe mendoj se do të shtohen pasi kanë nisur diskutimet në nivel bilateral dhe me vende të tjera.
Fondi do të jetë dinamik dhe do të shtohet edhe me alokime nga buxheti në vijim. Do të ketë një program te veçantë buxhetor.
Raporti i parë paraprak synohet të paraqitet më 16 dhjetor. Do të ketë një raport të dytë dhe më pas një raport final në fund të muajit janar”, tha Kryeministri.
https://www.facebook.com/edirama.al/videos/541729103075946/
