Kryeministri Rama e ka komentuar menjëherë në rrjetet sociale dorëzimin e të shumëkërkuarit Klement Balili. Rama thotë se fakti që Balili gjendet tashmë prapa hekurave është një përgjigje kuptimplotë për të gjithë “qentë”, siç i quan ai, që lehin ndërkohë që karvani ecën përpara me vendosmëri. Ai thekson më tej se Balili nuk e vetëdorëzua.
“Klement Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara Urime për këtë rezultat Ministrit Lleshi, Policisë së Shtetit dhe SHISH. Çfarë kazani që zien për vetëdorëzim, duke e nxjerrë sikur KB u ndal te dera e policisë pas një shëtitjeje në pedonalen e Delvinës. Ky është një nga operacionet më të sofistikuara policore, që ka vazhduar muaj të tërë. Vetëdorëzimi është thjesht realizimi me sukses i tij”, shkruan Rama.
