Kryebashkiaku i Kamzës, Rakip Suli ka mbërritur në Prokurorinë e Posaçme, këtë mëngjes. Mësohet se Suli do të japë sqarime për kallëzimin ndaj parardhësit të tij Xhelal Mziu.
Kryebashkiaku ka depozituar në SPAK një kallëzim për Mziun. Ai e akuzon për abuzim me tenderat në kohën që mbante postin e kryetarit të bashkisë së Kamzës. Disa javë më parë në SPAK u paraqit Mziu për të dhënë sqarimet e tij lidhur me akuzat që janë ngritur për të.
Kryebashkiaku i Kamzës kallëzoi Mziun për shpërdorim detyre në kohën kur ky i fundit ishte në krye të bashkisë. Në kallëzimin e tij, Suli ka kallëzuar Mziun pasi dyshohet të ketë favorizuar subjekte private, që janë pajisur me leje zhvillimi dhe ndërtimi, duke mos i detyruar të kalojnë 3 përqind të sipërfaqes funksionale për banesa sociale në favor ta Bashkisë. Referuar ligjit të urbanistikës, parashikon që leja me sipërfaqe 2000 m2, 3% ti kalojë bashkisë për banesa sociale.
