Zv/ministrja e Shëndetësisë dhe kryetarja e komitetit të ekspertëve, Mira Rakacolli, i ka bërë ‘presion’ kategorive që e kanë me detyrim vaksinimin, duke u shprehur se ata që refuzojnë të marrin vaksinën do të duhet të provojnë çdo 3-5 ditë që janë negative në testin Covid.
Gjithsesi, Mira Rakacolli tha bë ‘Top Neës’ se gjithësecili e ka në dorë vetë vendimin, por ajo shtoi se testi PCR aq i shpeshtë ka kosto.
“Kur jeton në një komunitet çdokush ka përgjegjësi qytetare për të gjithë. Një person i cili nuk pranon të vaksinohet është vendimi i tij, edhe pse sipas nesh është zgjedhje e gabuar, por ai në ato intervale kohore që quhet nga ekspertët të arsyeshme duhet të sjellë vazhdimisht provë për PCR, por kjo ka kosto. Çdo 3-5 ditë duhet të çosh PCR-në,” u shpreh zv/ministrja.
Komiteti Teknik ka vendosur që mësuesit, mjekët dhe studentët e kanë me detyrim vaksinimin, ose përndryshe do të duhet të provojnë me teste PCR shumë shpesh se nuk janë të infektuar, pasi konsiderohet grupe me ndikim të madh në shoqeri.
