Protesta e qytetarëve shqiptarë do të vijojë edhe ditën e nesërme. Aktivisti Mirgen Qiraxhi, njoftoi gjatë protestës së ditës së sotme se do të vijojnë edhe nesër, në po të njëjtën orë.
Ai u shpreh se marshimi do të nisë në orën 11:00 në sheshin “Skënderbej” për të vazhduar drejt Kryeministrisë.
“Protesta vazhdon nesër sërish me marshimi në orën 11:00 për të kulmar këtu. Do të vazhdojmë apo jo?”.
Protesta e sotme nisi në orën 11:00 dhe vijon ende. “Boll na vodhët”, është banderola që shoqëron këtë protestë, ndërsa pjesëmarrja është tepër e madhe. Me mijëra qytetarë mbushën bulevardin “Dëshmorët e Kombit” për të kundërshtuar rritjen e çmimeve.
Kujtojmë se, kjo është dita e katërt që qytetarët janë ngritur, ndërsa protesta paralele janë zhvilluar edhe në qytete të tjera të vendit.
