Një 37-vjeçare do të duhet të përballet me prokurorinë për shkak se nuk kreu detyrimin që kishte ndaj qytetarëve që i besuan asaj miellin për t’ia përpunuar. Por administratorja e subjektit që merret me përpunimin e miellit, grumbulloi gjithë mallin dhe më pas u largua jashtë vendit. Lidhur me ngjarjen bëhet me dije se 37-vjeçarja nga Fieri do të përballet me prokurorinë për arsye të mos kryerjes së detyrës deri në fund që kishte marrë përsipër.
“Specialistët për Hetimin e Krimeve Ekonomiko-Financiare të DVP Fier referuan materialet në Prokurori në ngarkim të shtetases E. S., 37 vjeçe, banuese në Fier, pasi dyshohet se duke qenë administratore e një subjekti me aktivitet tregtar përpunimin e miellit, ka grumbulluar nga qytetarë të ndryshëm sasi mielli, me qëllim përpunimin e tyre, dhe është larguar jashtë shtetit duke mos e kryer përpunimin e marrë përsipër nga subjekti tregtar i administruar prej saj.”
