Qindra njerëz kërkuan dorëheqjen e kryeministrit izraelit Benjamin Netanyahu gjatë një demonstrate jashtë rezidencës së tij në Jerusalem, raportoi sot The Times of Israel.
Policia është përleshur me protestuesit gjatë demonstratës së mbrëmshme dhe ka arrestuar tre persona, thuhet në raport. Sipas policisë, protestuesit tentuan të çajnë kordonin e sigurisë rreth shtëpisë së kryeministrit.
Protesters mass outside Israeli PM Netanyahu’s house as anger grows. Even his own people detest him! pic.twitter.com/TAlj3U2ozg
— Sophie (@S_C_Fit) November 4, 2023
Protestuesit i kërkuan Netanyahut të miratojë një marrëveshje shkëmbimi për pengjet e mbajtura në Rripin e Gazës, duke e akuzuar atë si përgjegjës për dështimet që çuan në masakrën e 7 tetorit nga militantët e Hamasit.
Demonstratat kundër Netanyahut u zhvilluan diku tjetër. Në qendër të Tel Avivit, mijëra njerëz u mblodhën në sheshin e pengjeve, siç njihet tashmë vendi, për të treguar mbështetjen e tyre për familjet e më shumë se 240 pengjeve të marra nga Hamasi.
