Fermerët në Kurbin po falimentojnë për shkak të ujit në toka. Në muajt e fundit Ministria e Bujqësisë ka hapur disa tenderë për krijimin e kanaleve vaditëse në vend. Këto kontrata janë nënshkruar dhe kompanitë fituese kanë marrë paratë, por në terren nuk duket asnjë punim. Këtë mund ta dëshmojnë më së miri banorët e Kurbinit, të cilët kanë ngritur shqetësimin e tyre në media.
Ata thonë se, tokën e kanë kultivuar, por të mbjellat nuk garantojnë prodhim, për shkak të mungesës së vaditjes. Kjo është problematika me të cilën përballen prej vitesh fermerët e fshatrave të Fushë-Kuqes në Kurbin, një nga zonat me rendiment mjaft të lartë në sektorin e bujqësisë. “Kemi një thatësirë të madhe. Çdo gjë që po mbjellim po shkon dëm,” thotë një fermer.
Falë mirëmbajtjes së vetë banoreve, sistemi i vaditjes është funksional por në kanale nuk rrjedh asnjë pike ujë. Në këto kushte fermerët janë munduar të gjejnë zgjidhje alternative përmes pompave thithëse, por diçka e tillë është më shumë kosto për ta. “Kemi mbjellë, por nga tharja e tokës dhe mungesa e lagështirës por prodhimi është shumë keq. Këtu çdo gjë do të vaditet, por s’ka ujë, kanali është bosh. Po s’pati ujëra nëntokësore sado që të hidhet uji sipër s’ka asnjë pikë. Po ta gërmosh me lopatë deri në dy metra një pikë ujë nuk ka,” thonë ata. Mungesa e ujit për vaditjes është një problem i vjetër në fshatrat e Kurbinit, duke detyruar shumë fermer që të heqin dore nga sektori i bujqësisë, pasi toka nuk jep rendiment.
