Kryeministri Edi Rama në konferencën e sotme për shtyp deklaroi se qeveria do të japë 5 mijë lekë shpërblim për pensionistët për festat e fundvitit. Fondi në total kap shifrën e 34 milionë dollarëve shpërblim për pensionistët.
Lidhur me nisjen e procedurave për shpërndarjen e shpërblimit për pensionistët, Rama është shprehur sa kjo do të ndodh më shpejt të jetë e mundur.
“Pavarësisht pengesave ne do të vendosim 34 mln dollarë tani për pensionistët. Nuk do heqim asnjë qindarkë nga ajo që kishim planifikuar të jepnim.Së pari për pensionistët akti normativ do të kalojë nesër dhe disbursimi do të kalojë një orë e më parë dhe shumë mos gaboj është 34 mln dollarë. Ndërsa për bizneset dua të them pa hyrë në detaje se bizneset kanë pasur dhe do të kenë të gjithë përkrahjen tonë të gjithë lehtësimet e mundshme dhe atyre 3 katër figurave mediatike që u japin zë bizneseve dua t’ju them se deti nuk është bërë kos,” u shpreh Edi Rama.
