Ministri i Brendshëm grek Makis Voridis ka njoftuar akordimin e një fondi për ndihmë për të prekurit nga pasojat e zjarreve të fuqishme që kanë përfshirë Greqinë. Ai ka bërë me dije se është akorduar një shumë parash për banorët e Atikës veriore që u prekën nga zjarri katastrofik i Varybombit.
“Ministria e brendshme do të ndërhyjë sot për të ofruar mbështetje të menjëhershme për të prekurit. Ekziston një vlerësim i parë se ka 94-95 ndërtesa që janë dëmtuar në zonën e Varybombi dhe ne duhet të ndërhyjmë.
Ne do të transferojmë fonde tek komunat sot për mbështetje të menjëhershme prej 600 eurosh për të mbështetur të prekurit nga zjarri me një shumë deri në 6,000 € dhe bizneset me 8,000 € dhe më pas do të kalojmë në ndihmën për strehim, i cili është procesi i mbështetjes për njerëzit që të rindërtojnë shtëpitë e tyre”, tha ai.
Kompensimi do të menaxhohet nga pushteti lokal.
“Sot do të transferojmë shuma në tre komunat e prekura, përkatësisht në Komunën e Acharnes (60,000 €), Komunën e Kifissia (60,000 €) dhe Komunën e Dionysos, e cila ka më pak dëme, shumën prej 30,000 euro. Ne do të shohim se si përcaktimi i dëmeve do të evoluojë . Nëse duhet të transferojmë shuma edhe më të mëdha ne do të transferojmë. Procesi i Ndihmës në Strehim është inicuar kryesisht nga Ministria e Infrastrukturës, e cila do të bëjë regjistrimin e dëmeve”, deklaroi ministri.
Duke folur për çështjen e ndihmës për strehimin e atyre që kanë mbetur në qiell të hapur Voridis sqaroi se shteti do të paguajë një shumë prej 80% ndërsa 20% e mbetur do të mbulohet nga mundësia e marrjes së një huaje, “me garancinë e shteti grek deri në shumën prej 150,000 euro ”, ndërsa parashikohet edhe pezullimi i detyrimeve tatimore.
