Qeveria ka dhënë një fond prej 660 milionë lekësh për sallat e reja kirurgjikale, aparaturat e ekografisë dhe pajisje të tjera mjekësore për Spitalin Universitar të Traumës.
Investimet në imazheri, në sallat e operacioneve dhe në sistemin e aspirimit do të përfundojnë në pranverën e vitit 2017. Pas këtij investimi pritet përgjigjia në kohë dhe me cilësi ndaj nevojave të pacientëve.
Sipas bluzave të bardha ky spital pret numrin më të lartë të personave të aksidentuar dhe në ditë jepet ndihma për 150 urgjenca.
Ministri i shëndetësisë Ilir Beqaj inspektoi nga afër ecurinë e punimeve për këtë investim.
Beqaj: Përfshijnë ndërhyrje në urgjencë, në sallat e operacioneve, por edhe për përmirësimin e ndjeshëm të sistemit elektrik dhe atij të aspirimit, duke instaluar një sistem të ri dhe bashkëkohor aspirimi të ajrit me filtra antimikrobikë dhe kemi edhe përmirësimin e ndjeshëm të sistemit elektrik.
