RENEA është përfshirë në një aksion kundër krimit të organizuar dhe narkotrafikut. Për pasojë nuk ka lënë adoleshent, të ri dhe burrë pa ia kontrolluar xhepat, në baret ku po ndiqet Kampionati Europian. Për pasojë krimi i organizuar ka shkuar në vende më të sigurta për të parë futboll.
Më poshtë njoftimi i Policisë së Shtetit:
“Vijojnë kontrollet e befasishme nga Renea dhe nga Forca e Posaçme Operacionale në Drejtorinë e Përgjthshme të Policisë së Shtetit në bashkëpunim me strukturat e DVP-ve në vend.
Kontrollet e befasishme për kapjen e personave në kërkim, të atyre që qarkullojnë me armë zjarri, apo me lëndë narkotike, si dhe për kapjen e disa personave që janë të dyshuar si autorë të disa ngjarjeve kriminale të ndodhura me parë në vend.
Aktualisht po ushtrohen kontrolle në Shkodër e në Fier, në ambiente, lokale dhe banesa ku dyshohet se mund të qëndrojnë në persona në kërkim, apo që posedojnë armë zjarri e lëndë narkotike.
Në drejtim të forcave policore janë drejtues të lartë të Policisë së Shtetit dhe drejtues të strukturave vendore përkatëse”.
