Bleona Qerreti ka reaguar e revoltuar në rrjetet sociale pas videos së publikuar nga emisioni “Piranjat”, ku një i ri dhunon një qen.
Videoja tregon një të ri, i cili ka lidhur qenin me tel nga qafa dhe e rrotullon në ajër. Qeni shihet i tronditur dhe i frikësuar, teksa përpiqet të largohet nga i riu.
Përmes një postimi në Instastory, Bleona i bën thirrje policisë ta dënojë këtë kriminel. Ajo ka sugjeruar gjithashtu dënimin që do i jepte vetë ajo, duke theksuar se do i bënte të njëjtën gjë që djali i ka bërë qenit.
“Të gjithë duhet të mobilizohemi ta gjejmë kush është ky qelbësirë! Ky kriminel duhet të dënohet! I lutem mediave, policisë së shtetit ta gjejë këtë kriminel- Unë personalisht do ta lidhja për qafe dhe do ta rrotulloja në ajër në të njëjtën mënyrë që ta kuptojë çfarë ka bërë!”- thuhet në statusin e plotë të Bleona Qerretit.
