Në krye të Kukësit, pas Sulejman Starovës, Shkëlqim Muçës, Hasan Likës, apo Ekrem Spahisë, ishte rradha e Dritan Dervishit për “grushtin” e rradhës
Prej tre sezonësh, Kukësi ka qenë një skuadër e sukseshme, madje jo vetëm brenda kufinjve, por edhe në Europa League. Por sidoqoftë, presidenti Gjici, jo vetëm që nuk është asnjëherë i kënaqur mjaftueshëm, por sajon tërmete të shpeshta në pankina, madje gjithmonë me magnitudë shumë të lartë. Gjithashtu, në të njëjtën kohë Safeti nuk është treguar shumë i dashur as me drejtorët, të cilët në përgjithësi kanë qenë personalitete të spikatur të sportit dhe jo vetëm.
Fillimisht skuadra u drejtua nga Sulejman Starova, më pas me rradhë, Shkëlqim Muça, Hasan Lika, së fundi Dritan Dervishi, të gjithë të larguar. Ndërkohë, një fat më të mirë nuk e pati as Ekrem Spahija, i cili iu drejtua shumë i emocionuar poltronit të drejtuesit të lartë të klubit, pa e ditur që nuk është pozicion për t’iu gëzuar gjatë. Tani të presim se cili do të emërohet, për të pritur më pas “grushtin” e rradhës. E sigurtë është që zgjedhja e re do të jetë shumë cilësore.
