Presidenti i Federatës Ruse, Vladimir Putin, i ka përcjellë urime z.Bajram Begaj për zgjedhjen e tij në postin e Presidentit të Republikës së Shqipërisë.
Në një postim nga Ambasada ruse në Shqipëri thuhet se Putin i ka uruar shëndet dhe suksese z. Begaj në detyrën e tij më të lartë shtetërore.
Bajram Begaj është zgjedhur si presidenti i nëntë i Republikës së Shqipërisë me 78 vota pro, 4 kundër dhe 1 abstenim më 4 qershor. Ish-shefi i shtabit të Përgjithshëm, emri i të cilit doli nga PS, do të jetë pasardhësi i Ilir Metës dhe të qëndrojë në krye të shtetit për pesë vitet e ardhshme.
